Яны нясуць людзям музычную спадчыну Беларусі.

Большасць удзельнікаў народнай музычнай капэлы "Ігуменьскія крыніцы" - выкладчыкі Чэрвеньскай Школы мастацтваў. У іх рэпэртуары - разнастайная музыка розных краін, напрамкаў, жанраў, стыляў. Але галоўнае месца займае музычная спадчына Беларусі. Каnэла выконвае старажытныя творы беларускіх кампазітараў - нашых землякоў С.Манюшкі, А.Ельскага, а таксама В.Длугарая, Ю.Шадурскага, Т.Касцюшкі. У творчых плянах - пазнаёміць слухачоў з беларускай музыкай мінулага стагоддзя, якую стваралі Н.Орда, М.Радзівіл, М. Ельскі.

Ад самага ўзнікнення капэлы ёю кіруе Генадзь Шпакоўскі. Раней працаваў дырэктарам Мар'інагорскай Школы мастацтваў, але аднойчы пазнаёміўшыся з чэрвеньскімі калегамі, прыкіпеў душой да іх прафэсіяналізму. Перайшоў у Чэрвеньскую Школу мастацтваў выкладчыкам па класу гітары, стаў першым і нязменным кіраўніком капэлы. 3 вялікай павагай eн ставіцца да музычнай спадчыны Беларусі, зрабіў інструментоўкі большай часткі рэпэртуару.

За дзесяць гадоў састаў калектыву змяніўся не вельмі. Нядаўна прыйшла новая вакалістка Людміла Грозная. У капэлы яе творчым патэнцыялам задаволены. Дырэктар Школы мастацтваў Васіль Капцелаў з усмешкай зазначае: "Трэба нам нашу Людачку берагчы, каб не з'ехала. А то ж дзяўчаты народ такі: знайшла жаніха - і бывайце!" Так што патрэбны Людміле жаніх мясцовы, каб калег-музыкантаў не засмуціць раставаннем!

Параўнальна нядаўна ў капэлы Аляксандр Борбут. Яго адметная ігра на тy6e і барабане надае адмысловы калярыт кожнаму выступленню. Выпускніца Маладзечанскага музычнаra вучылішча Анастасія Ясінская трапіла ў Чэрвень па распарадкаванню. Адразу знайшлося таланавітай юнай цымбалістцы месца сярод вопытных мэтраў. А Святлана Кузьміч іграе на скрыпцы. Ды так добра, што часам не разабрацца, што прыгажэй - яе музыка ці сама выканаўца, вочы якой выпраменьваюць непараўнальную пяшчоту, жаноцкасьць і спагаду.

Аб прафэсіяналізме і высокім майстэрстве капэлы гаворыць тое, што яна - пастаянны ўдзельнік сур'ёзных музычных конкурсаў, рэспубліканскіх і абласных святаў, фэстываляў, канцэртаў. Так, "Ігуменьскія крыніцы" - пераможца трэцяга абласнога фэстывалю-конкурсу "Напеў зямлі маёй" ў г.Маладзечна, удзельнік міжнароднага фэстывалю "Зьвіняць цымбалы і гармонік" у г.Паставы, Нацыянальнага фэстывалю беларускай песні і паэзіі ў г.Маладзечна, Рэспубліканскага свята беларускай пісьменнасці і паэзіі ў г.Заслаўі, Рэспубліканскага фэстывалю камернай музыкі "Музы Нясвіжа", пастаянныя ўдзельнікі абласнога свята "Убельская ластаўка".

Нядаўна капэла падрыхтавала новую канцэртную праграму "Гісторыя беларусі ў музычных вобразах". Яна складзена з помнікаў музычнай культуры нашай краіны 16-20 стагоддзяў і разлічана на моладзь і старэйшых школьнікаў. Невялікія гістарычна-інфармацыйныя каментарыі на працягу праграмы дапамогyць успрымаць музычныя творы ў кантэксце гістарычных падзей, жыцця і дзейнасці асоб і розных слаёў насельніцтва, мастацка-эстэтычных накірункаў той эпохі. Першымі слухачамі новай праграмы стануць Грабёнскія школьнікі.

На здымку:

Народная музычная капэла "Ігуменьскія крыніцы": Генадзь ШПАКОЎСКІ (кіраўнік ансамбля), Аляксандр БОР6УТ (ударныя інструмэнты), Аляксандр КАПЦЕПАЎ(баян), Ігар КУРНОСАЎ(габой), Васіль КАПЦЕЛАЎ (балалайка-кантрабас), Людміла ДЗІМОХІНА (балалайка альт), Алег КАЛЕСНІК (дудка, габой), Лілія ЛАРЫЁНАВА (балалайка секунда), Анастасія ЯСІНСКАЯ (цымбалы), Святлана КУЗЬМІЧ (скрыпка).

Наталля КАРАЛЬКЕВІЧ,

фота Эмы МіКУЛЬСКАЙ