Дом, дзе творчасць пануе, 40-годдзе святкуе

Дабрынёй, прыгажосьцю і гармоніяй напоўнены Дом дзіцячай творчасці г. Чэрвеня, які гасьцінна расчыніў свае вокны і дзверы насустрач дапытліваму дзяцінству. У Чэрвені, мабыць, кожнае дзіця ведае гэты дзівосны Дом, за парогам якога пачынаецца дарога ў захапляльны свет творчасці. Сваю гісторыю ён пачынае з 1963 года, калі тагачасны старшыня райвыканкама сваім рашэньнем абвесьціў пра адкрыццё ў г. Чэрвені Дома піянэраў і школьнікаў.

Размясцілася гэтая ўстанова ў былым збудаванні рускай школы, якое ўзведзена напрыканцы ХІХ стагоддзя на сродкі Чэрвеньскай nраваслаўнай абшчыны як нядзельная школа для дзяцей.

Дырэктар першы...

Першым дырэктарам Дома піянэраў і школьнікаў прызначылі Міхаіла Іосіфавіча Раманенку. Пад яго кіраўніцтвам пабудова была перапрафіліравана. Вялізныя кафельныя печкі замяніла паравое ацяпленьне. Некалькі класных пакояў пераўтварылі ў актавую залу. У астатніх размясціліся гуртковыя кабінеты і кабінет дырэктара.

Асноўная работа Дома піянэраў і школьнікаў была накіравана на актывізацыю піянэрскага руху ў раёне. Менавіта тады была закладзена традыцыя яркага, відовішчнага правядзення піянэрскіх зьлётаў на Чэрвеньшчыне. Арганізоўвалася ваенна-спартыўньія гульні "Зарніца", праводзілася рэгулярная вучоба піянерважатых. Маючы добрыя арганізатарскія здольнасці, Міхаіл Іосіфавіч змог зацікавіць работай у Доме піянэраў і школьнікаў вопытных педагогаў, людзей, якія ведаюць сваю справу. У 1964 годзе былі адкрыты гурткі "Авіямадэльны", "Радыётэхнічны", "Лялечны", "Умелыя рукі", "Танцавальны", "Харавы".

...і наступныя

3 1970-га па 1990 год дом піянэраў і школьнікаў працягваў сваё развіццё пад кіраўніцтвам Леаніда Аронавіча Моўсіка, Карыны Цімафееўны Кучынскай, Зоі Віктараўны Корзун, Рымы Паўлаўны Мартыненка, Уладзіміра Мікалаевіча Пратасевіча, Ірыны Іванаўны Андрончык.

Важкі ўклад у гісторыю гэтай установы ўнеслі кіраўнікі гурткоў, якія працавалі тут у розны час: Уладзімір Ермалаевіч Хаўранкоў, Яўген Давыдавіч Качан, Канстанцін Фёдаравіч Бушкевіч, Дзмітрый Андрэевіч Байко, Людміла Аляксееўна Грыбовіч і многія іншыя.

Васемнаццаць гадоў адпрацавала ў ДДТ Ірына Іванаўна Вабішчэвіч. Яна арганізавала інтэлектуальны рух на Чэрвеньшчыне, стварыла клуб "Ігумен", куды ўваходзілі дзіцячыя і сямейныя каманды. Прыдумапа шматгадовы рэспубліканскі дзіцячы турнір "Ігуменская завея". Ён стаў добрай традыцыяй, жыве і па сённяшні дзень, дзякуючы яе захопленасці і энтузіязму.

Ён узначальваў ДДТ 13 год

3 1990 па 2003 год дырэктарам Дома з'яўляўся Сяргей Якаўпевіч Варанько. Дзякуючы яму, захаваліся многія добрыя традыцыі, закладзеныя папярэднікамі. У 1993 годзе Дом піянэраў і школьнікаў перайменавалі ў Дом дзіцячай творчасці. А асноўнай дзейнасцю абралі арганізацыю сеткі гурткоў у г. Чэрвені і раёне - для духоўнага і фізічнага развіцця вучняў, іх разнастайных творчых здольнасцей.

За 13 гадоў дырэктарства Сяргей Якаўлевіч Варанько правёў насамрэч гіганцкую работу па рамонту, пераабсталяванню і абнаўленню Дома дзіцячай творчасці, а таксама прылеглай тэрыторыі. Стогадовы будынак пасля капітальнага рамонту з выкарыстаннем сучасных матэрыялаў і дрэва ператварыўся ў казачную краіну для юных творцаў.

У 1993 годзе Дому была перададзена пабудова кацельні СШ N4 г. Чэрвеня па вул. Барыкіна - цагляная каробка, засыпаная смеццем. Работнікі ДДТ і раённага аддзела адукацыі працавалі на суботніках, каб прывесці яе ў належны выгляд. Пасля года працы збудаванне займела другое жыццё. 3 1995 года былая кацельня працуе як філіял Дома дзіцячай творчасці. У 1998 годзе там зроблена прыбудова, у якой размясціліся сталярная майстэрня і пакой для заняткаў гуртка "Электратэхніка".

У 2000 годзе да асноўнага будынка ДДТ таксама было далучана новае памяшканне, якое выкарыстоўваецца як кабінет грамадскіх арганізацый. Не толькі наведвальнікаў, а і прахожых радуе добраўпарадкаваная тэрыторыя вакол абодвух збудаванняў. А драўляныя скульптуры і альпійскія горкі для многіх сталі месцам натхненьня і сустрэч.

Як чалавек творчы, Сяргей Якаўлевіч Варанько таксама змог згуртаваць вакол сябе калектыў, які і па сённяшні дзень жыве сваім ініцыятыўным жыццём. У Доме дзіцячай творчасці працуюць 30 прафэсіянальных педагогаў, якія вядуць па дарозе творчасці 720 дзяцей, улічваючы іх магчымасці і індывідуальнасць.

Гурткоўцаў творчыя памкнені i сённяшнія дасягненні

Выхаванцы ДДТ - пастаянныя ўдзельнікі культурных мерапрыемстваў горада, раёна, вобласці і нават рэспублікі, дзе вельмі часта займаюць прызавыя месцы. 3а 40 гадоў пэдагагічны калектыў назапасіў каштоўны вопыт па развіццю творчых здольнасцей дзяцей і падлеткаў. На рахунку Дома дзіцячай творчасці больш за 70 грамат.

Сярод апошніх дасягненняў - удзел у абласным конкурсе "Лясная казка", аб'яўленым МУС Рэспублікі Беларусь (гурток "Роспіс па дрэве", кіраўнік Алена Міхайлаўна Палякова); другое месца ў раённым турніры інтэлектуальных гульняў сярод вучнёўскай моладзі (кіраўнік гуртка - Ларыса Валянцінаўна Асановіч); удзел у 10-ым чэмпіянаце Рэспублікі Беларусь па інтэлектуальных гульнях сярод школьнікаў, у 7-й Міжнароднай спэцыялізаванай выставе "Дарога, транспарт, бясьпека" (гурткі "Мяккая цацка" і "Фларыстыка", кіраўнік Людміла Яўгенаўна Дужава)...

Інтэлектуалы каманды УБД сёлета сталі абсалютнымі пераможцамі рэспубліканскага фэстывалю "Ігуменская завея". А наперадзе яшчэ агляд мастацкай самадзейнасці, выстава дэкаратыўна-прыкладной і тэхнічнай творчасці..

Яны выхоўваюць, i вучаць, і натхняюць

Цалкам захоплена сваёй справай Алена Міхайлаўна Палякова - кіраўнік гуртка "Роспіс па дрэве". Яна - адзіны ў раёне спецыяліст гэтага накірунку. У ДДТ працуе з 1997 года.

Вялікі вопыт работы мае Генадзь Вацлававіч Матусевіч - кіраўнік мастацкай студыі "РА" (гурткі "Лепка", "Кераміка"), сябра Саюза мастакоў і Саюза майстроў Рэспублікі Беларусь.

Не першы год працуе ў інтэлектуальным, накірунку Алена Уладзіміраўна Чарняўская. Яна стварыла клуб "Чамучкі" і з'яўляецца яго кіраўніком.

Заўсёды станоўча ацэньваецца работа кіраўнікоў гурткоў: "ВІА" - Сяргея Іванавіча Дзенісевіча, "Вакальны" і "Ігра на гітары" - Сяргея Віктаравіча Шапялевіча. Яны даюць сваiм выхаванцам пуцёўкі ў музычны свет.

У ДДТ склаўся ўдалы тандэм педагогаў Вольгі Вікенцьеўны Тэбікавай і Марыны Барысаўны Паўловіч, якія выяўляюць і развіваюць артыстычныя здольнасці ў дзяцей на занятках тэатральнага гуртка.

Вялікую ўвагу надаюць у Доме дзіцячай творчасці выхаваўчаму працэсу. Цікава, пазнавальна арганізавана работа ў шосты дзень тыдня. Спартакіяды, конкурсы, інтэлектуальныя гульні, дыскатэкі, тэматычныя вечары і іншыя мерапрыемствы збіраюць вялікія аўдыторыі не толькі гурткоўцаў, а і іх бацькоў.

Дадае разнастайнасці ў арганізацыю выхаваўчай работы педагог-арганізатар, кіраўнік гурткоў "Забаўнік" і "Вышыўка" Тамара Алегаўна Забаўская. 3 ёй адпачынак дзяцей становіцца яркім, вясёлым, незабыўным.

3 душой адносіцца да працы кіраўнік гуртка "Умелыя ручкі" Людміла Іванаўна Шыманская. Невысокая кволая дзяўчына вучыць рухавых моцных хлопцаў таму, што павінен умець сапраўдны мужчына. Яны паспяхова ўдзельнічаюць у раённых выставах дэкаратыўна-прыклдной і тэхнічнай творчасці. Лепшыя rypткоўцы заахвочваліся пуцёўкамі ў летнія лагеры адпачынку.

У гэтым навучальным годзе прыйшла ў Дом дзіцячай творчасці весці гурток "Бісерапляценне" Вольга Ігнатаўна Лебедзь. З ахвотай пераймаюць навыкі работы з бісерам дзяўчаты. Да сваёй першай выставы рыхтуюць індывідуальныя і калектыўныя вырабы.

3 2000 года ў ДДТ актывізуецца работа па стварэнню і развіццю раённай піянэрскай арганізацыі, якую праводзіць Ірына Чаславаўна Батура. Дзякуючы ёй сталі адраджацца піянэрскія традыцыі, зьлёты, актыўна ўкараняцца ў жыццё новыя формы работы. На Чэрвеньшчыне ладзяцца конкурс "Піянер года", навагоднія ёлкі для лепшых піянэраў, разнастайныя раённыя піянэрскія конкурсы і акцыі.

Уся гаспадарчая праца ляжыць на плячах маладых энэргічных людзей, якія валодаюць любым інструмэнтам. Гэта загадчык гаспадаркі Віталь Генадзьевіч Буднік і рабочы Міхаіл Васільевіч Буры. Дзякуючы іх паўсядзённаму клопату, а таксама стараннасці прыбіральшчыцы Людмілы Мікалаеўны Крукоўскай, якая працуе тут каля 20 гадоў, ДДТ выглядае прыгожым, чыстым, акуратным, абноўленым.

З ахвотай школьнікі ідуць у ДДТ

І гэтак жа ахвотна распавядаюць пра тое, што іх тут прываблівае.

Наташа ПАСКРОБКА (гурток "Роспіс па дрэве"):

- Сюды я прыходжу ўжо чатыры гады. А трапіла, можна сказаць, выпадкова: вярталася са школы, зайшла, спадабалася...

Гэты гурток наведваюць таксама мая сястра, сяброўка Лена. Больш за ўсё я люблю маляваць кветкі. Наш кіраўнік Алена Міхайлаўна Палякова - добрая, шмат чаму вучыць, дапамагае.

Жэня ЗЫЛЬ (гурток "Умелыя ручкі"):

- Займаюся тут чацвёрты год. Калі Людміла Іванаўна Шыманская прыйшла ў школу і запрасіла ў гурток, я адразу ж запісаўся. Яна навучыла нас пілаваць, выразаць і выпільваць з дрэва розныя рэчы. 3 ёй цікава, не сумна. Разам са мной займаюцца сябры - Жэня Раманёнак, Антон Кукса, Сяргей Шукан... Зараз да выставы я рыхтую работу "Хатка на курыных лапках".

Паліна ГУРЫНОВІЧ і Паша ГАРБАЧЭЎСКАЯ (гурток "Танцавальны"):

- Танцамі мы займаемся другі год, вельмі падабаецца. Тут дружны калектыў, добры выкладчык - Галіна Паўлаўна Навіцкая, сябры... Нас запрашаюць выступаць у школы, дзіцячы дом. Мы любім танцаваць і сучасныя танцы, і народныя.

Юля КОБЗЕВА (мастацкая студыя "РА"):

- Я люблю наведваць гэтыя заняткі: яны раскрываюць мае творчыя здольнасці. Сюды мне параіла запісацца мама. Да таго ж, кіраўнік студыі дзядзя Гена (так у нас усе завуць Генадзя Вацлававіча Матусевіча) - і сапраўды мой стрыечны дзядзька...

Спачатку я малявала - без алоўка, фарбамі. А пасля ўзялася за гліну. Ляпіла жывёл, потым - вазы, а зараз - людзей. Дзядзя Гена мне пастаянна кажа: "Ты, Юля, падленьваешся". І я стараюся. Хутка будзе мая персанальная выстава работ - у раённым краязнаўчым музеі.

Таня КЛІМКОВІЧ і Вераніка АЛЯШКЕВІЧ (гурток "3абаўнік"):

- Мы вельмі рады, што прыйшлі сюды яшчэ ў шостым класе. Нам падабаецца Тамара Алегаўна Забаўская, без якой не абыходзіцца ў ДДТ ніводнае свята! Яна робіць наша жыццё такім, якім вы бачыце яго зараз: прыгожым, поўнаколерным, вясёлым... Наш кіраўнік заўсёды сустракае нас добрай, шчырай усмешкай. Ніколі не ставіцца да нас, як да малодшых, хутчэй як да сябровак. Тамара Алегаўна - наша падтрымка і надзея. І ўвогуле, ДДТ - гэта супэр! Калі мы тут, то адчуваем сябе самымі шчаслівымі!

Віка БАЧЫЛА (гурток "Мяккая цацка"):

- Займаюся я тут пяць гадоў. Лічу, што наш гурток адзін з лепшых. Мяккія цацкі нібыта вяртаюць нас у свет дзяцінства. А яшчэ яны - цудоўны падарунак. Мая самая любімая цацка - "Лапачка". Гэта такі маленькі мядзведзік, як падушка, мяккі і прыгожы.

Юля CЦЯHbKO (гурток "Фларыстыка"):

- Я задаволена, што аднойчы рашылася прыйсці сюды, Займаюся фларыстыкай другі год. Вельмі люблю працаваць з раслінамі. Увогуле, я лічу ДДТ другім домам, а Людмілу Яўгенаўну Дужаву - другой мамай. Калі б была такая магчымасць, я б папрасіла яе стаць маёй хроснай.

Аксана ЮХНО і Оля КОКАНАВА (гурток "ВІА"):

- Наш кіраўнік Сяргей Іванавіч Дзенісевіч разумее нас, як ніхто іншы, ведае, якія песні нам падыходзяць. Ён добры педагог і аранжыроўшчык. Мы любім спяваць і цудоўна адчуваем сябе на сцэне. Шмат выступаем, і нам гэта падабаецца!

Юля КАНАПЕЛЬКА (гурток "Вакальны"):

- Займацца да Сяргея Віктаравіча Шапялевіча хаджу другі год. Ён заўсёды выслухае, дапаможа, параіць. Добры выкладчык, чулы, уважлівы. Я таксама ўжо шмат дзе выступала, нават на сцэне Дома культуры. А яшчэ мы выяжджаем на раён. Мая самая любімая песня - "Высоко".

Сапраўдны гонар дома - выпуснікi, вядома

Сёння Дом дзіцячай творчасці ганарыцца не толькі сваімі работнікамі, а і выпускнікамі, якія нясуць радасць творчасці іншым людзям. Усе яны ў свой час займаліся ў гуртках. Гэта начальнік аддзела адукацыі Чэрвеньскага райвыканкама Сяргей Варанько ("Картынг"), педагог-арганізатар ДДТ Тамара Забаўская ("Лялечны тэатр"), галоўны балетмайстр вобласці Наталля Бялевіч ("Танцавальны"), ваенны лётчык Міхаіл Мацюш ("Авіямадэльны"), інжынеры-праграмісты Сяргей Якаўлеў і Сяргей Прач ("Радыё"), мастак Дзмітрый Канапелька, настаўнік малявання Міхаіл Казюлька і кіраўнік мастацкай студыі "РА" Генадзь Матусевіч ("Ізастудыя")... Вучацца зараз у Бабруйскім мастацкім каледжы Юля Калтовіч і Насця Жаркова ("Роспіс").

За 40 гадоў ДДТ выпусціў больш за 4 тысячы юнакоў і дзяўчат. І няхай не ўсе яны сталі прафэсіяналамі, але кожны адкрыў для ся6е чароўны свет творчасці, у кожнага засталася ў памяці тая песня, танец, зробленая сваімі рукамі цацка... Таму ўсе былыя "картынгісты" сённяшнія вадзіцелі, аматары і прафэсіяналы, усе "радыётэхнікі" самі рамантуюць бытавыя прыборы, "рукадзельніцы" - умелыя гаспадыні, "тэатралы" - артысты па жыцці... Усе "сьпевакі" спяваюць, а "мастакі" малююць... Усе "інтэлектуалы" - спецыялісты з вышэйшай адукацыяй, а "топ-мадэлi" прыгажуні...

З мая 2003 года дырэктарам ДДТ з'яўляецца Людміла Яўгенаўна Дужава - патрабавальны, справядлівы і ўважлівы кіраўнік. Яе багатая творчая фантазія і ўмелыя рукі імкнуцца зрабіць установу камфортнай, утульнай, сучаснай.

Дом дзіцячай творчасці стаў родным домам для многіх школьнікаў горада і раёна. І ўжо выпускнікі прыводзяць сюды сваіх дзяцей. Такая пераемнасць пакаленняў - найлепшая ацэнка пэдагагічнай працы.

Шумна, весела і цікава працуе ДДТ не толькі падчас школьных заняткаў, а і на канікулах. Тады ўсіх гурткоўцаў збірае лагер "Васілёк", у якім няма мяжы ні фантазіям, ні марам. Недарэмна кажуць, што творчасці непадуладны ні ўзрост, ні час. Яно, як само жыццё, вечнае.