Шчэрба Леў Уладзіміравіч

Шмат славутых людзей, чыя імёны набылі сусветную вядомасць, падарыла чалавецтву Чэрвеньшчына. Сярод іх - мовазнаўца, прафесар Ленінградскага универсітэта, затым акадэмік АН СССР (1943) Леў Уладзіміравіч Шчэрба. Ён нарадзіўся ў 1880 г. у мястэчку Ігумен. Па нацыянальнасьці рускі. Са служачых.

У 1903 г. Л. У. Шчэрба закончыў Пецярбургскі ўніверсітэт. З 1916 г. працаваў прафссарам гатага ўніверсітэта. Найбольшае значэнне маюць работы вучонага ў галіне фанетыкі. Разьвіваў вучэнне свайго настаўніка мовазнаўцы І.А. Бадуэн дэ Куртэнэ (1845-1929). У навуцы аб мове Л.У. Шчэрба стварыў новую тэорыю фанемы («Рускія галосныя ў якасных і колькасных адносінах», 1912; «Фанетыка французскай мовы», 1937). Ён разьвіў вучэнне аб часцінах мовы, аб сінтагме адначленнасці і двухчленнасці сказа («Аб часціцах мовы ў рускай мове», 1928) а таксама тэорыю двухмоўнасці і г.д.

Нашаму земляку належыць першая спроба стварэння агульнай тэорыі лексікаграфіі («Спроба агульнай тэорыі лексікаграфікі», 1940). Ягo прынцыпы пабудовы двухмоўных слоўнікаў пакладзены ў аснову ўсёй лексікаграфіі. Акадэмік Шчэрба з'яўляецца рэдактарам стабільнага школьнага падручніка граматыкі рускай мовы. Ім шмат зроблена ў галіне распрацоўкі сумеснай мэтодыкі выкладаньня замежных моў.

Л.У. Шчэрба памёр 26 снежня 1944 г.